اس منفردپھل کے بے شمار فائدے

یہاں آپ پڑھیں گے اس منفردپھل کے بے شمار فائدے سبز رنگ کے اس منفرد پھل کو دنیا بھر میں کاشت کیا جاتا ہے اور حیران کن طور پر ہر جگہ ہی اس کا نام مختلف ہے۔ اسے کسٹرڈ یا شوگر ایپل بھی کہا جاتا ہے جس کی مٹھاس کیلے سے ملتی جلتی ہے مگر عربی میں اسے قشطہ، ہندی میں سیتا پھل اور پاکستان میں شریفہ کہا جاتا ہے۔  فائبر، وٹامنز اور منرلز سے بھرپور یہ پھل امراض کے خلاف جسمانی دفاع کو مضبوط کرنے کے ساتھ ساتھ ورم سے لڑتا ہے جبکہ آنکھوں اور دل کی صحت کو بہتر بناتا ہے۔

:حیران کن فوائد

اینٹی آکسائیڈنٹس کے حصول کا بہترین ذریعہ

یہ پھل جسم میں تکسیدی تناﺅ کا باعث بننے والے کیمیکلز سے لڑنے والے اینٹی آکسائیڈنٹس سے بھرپو رہوتا ہے جس سے کینسر اور امراض قلب کا خطرہ کم ہوتا ہے۔ اس میں موجود مرکبات جیسے فلیونوئڈز، کیروٹین اور وٹامن سی وغیرہ صحت کے لیے فائدہ مند ثابت ہوتے ہیں۔ تحقیقی رپورٹس کے مطابق کیروٹین والی غذاﺅں سے آنکھوں کی صحت بہتر ہوتی ہے جبکہ امراض قلب اور مخصوص اقسام کے کینسر کا خطرہ کم ہوتا ہے۔

مزاج خوشگوار بنائے

یہ پھل وٹامن بی سکس کے حصول کا بہترین ذریعہ ہے اور 160 گرام پھل میں روزانہ درکار مقدار اس وٹامن کا 30 فیصد سے زیادہ حصہ ہوتا ہے۔ وٹامن بی سکس مخصوص نیوروٹرانسمیٹرز کے لیے اہم کردار ادا کرتا ہے جو مزاج کو ریگولیٹ کرتے ہیں، اس وٹامن کی جسم میں کمی چڑچڑے پن یا مزاج کے دیگر مسائل کا باعث بن سکتا ہے۔  اس پھل کی مدد سے آپ ڈپریشن کا خطرہ کم کرسکتے ہیں۔

بینائی کے لیے فائدہ مند

اس پھل میں کیروٹین اور لیوٹین موجود ہوتے ہیں جو صحت مند بینائی کو برقرار رکھنے میں مدد دیتے ہیں۔ مختلف تحقیقی رپورٹس کے مطابق لیوٹین کا زیادہ استعمال آنکھوں کی اچھی صحت کا باعث بنتا ہے جبکہ عمر کے ساتھ آنے والی کمزوریوں سے تحفظ فراہم کرتا ہے۔ یہ جز مختلف امراض جیسے موتیا سے بھی تحفظ فراہم کرتا ہے۔

ہمارا فیس بک پیج لائک کریں

ہائی بلڈ پریشر سے بچائے

اس پھل میں ایسے اجزا جیسے پوٹاشیم اور میگنیشم کی مقدار بہت زیادہ ہوتی ہے جو بلڈ پریشر کو کنٹرول میں رکھنے میں مدد دیتا ہے۔ 160 گرام پھل میں پوٹاشیم کی روزانہ درکار 10 فیصد جبکہ میگنیشم کی 6 فیصد مقدار ہوتی ہے۔ یہ دونوں خون کی شریانوں کے لیے فائدہ مند ہیں جو بلڈ پریشر کی سطح کم کرتا ہے، ہائی بلڈ پریشر سے امراض قلب اور فالج کا خطرہ بڑھتا ہے۔

ہاضمے کے لیے بھی مفید

اس پھل کی کچھ مقدار میں 5 گرام غذائی فائبر ہوتا ہے، یہ ایس جز ہے جو ہضم یا جذب نہیں ہوتا تو آنتوں کو متحرک کرنے میں مدد دے کر قبض سے بچاتا ہے، یہ فائبر معدے میں موجود فائدہ مند بیکٹریا کی غذا ثابت ہوتا ہے جو شارٹ چین فیٹی ایسڈز بناتے ہیں۔ یہ فیٹی ایسڈز جسم کے لیے توانائی کا ذریعہ بننے کے ساتھ ساتھ غذائی نالی کو ورم سے بچاتے ہیں۔

یہاں آپ نے پڑھے اس منفردپھل کے بے شمار فائدے اگر آُ کو اس میں کسی قسم کا سوال ہو تو ہمیں کمنٹ سیکشن میں لازمی بتائیں

مزید معلومات کے لئے ہماری ویب سائٹ ویزٹ کریں انفو پوائنٹ

Share it!

Share on facebook
Share on whatsapp
Share on twitter
Share on email
Share on reddit